Esa horrrible ciencia

Unha das últimas compras que fixemos dende a biblioteca antes de rematar este curso, foron algún libros da coleción "Esa horrible ciencia", que a pesar de estar dirixidos a rapaces ente os 10-14 anos, son do aptos para todo tipo de público (adultos incluídos)... Tratan de acercarnos a ciencia dunha forma sinxela e divertida.

E eu que estes días de vacacións non teño moito que facer (bueno....), ocorreuseme que neste ano adicado a ciencia (porque supoño que sabedes que o ano 2007 foi declarado Ano da Ciencia), poderíamos xogar un pouco e tal vez reflexionar sobre moitos aspectos da mesma, e dito e feito, aquí estamos coa intención de achegar ata vos algunhas preguntas que seguro vos interesan.

Hoxe escomenzamos con algo moi simple ou todo o contrario moi complexo.... ti decides...Lee atentamente e contesta a esta pregunta e si che interesa recorda que a partir de setembro estarán todos estes e moitos máis libros a túa disposición na biblio do Insti para que sexas un pouco máis divertido...

A PALANCA

Unha palanca utilízase para levantar ou empuxar obxectos. A palanca descansa nun punto denominado fulcro e son eficaces xa que a forza de xiro máis efectiva está no ángulo recto respecto ó obxecto que se trata de mover (¿Como imos entendes ou non entendes?). Así pois as palancas non axudan a realizar máis traballo con menor esforzo.

AVISO: PELIGRO FUNESTO. IMOS FACER UN EXPERIMENTO

¿Preguntáchete algunha vez como pode a xente pillarse os dedos coas bisagras das porta?. Débese a que as portas, que son como palancas, dispoñen dunha forza sorprendente que actúa sobre o lado da bisagras; así que, ¡MANTÉN SEMPRE OS DEDOS LONXE DELAS DURANTE O EXPERIMENTO!

Así pois, empezamos...

1.-Abre a porta un pouco, e asegúrate de que teu irmán pequeno non ande por alí, non vaia ser que esto remate no hospital coas unllas negras...

2.-Colócate por fora da porta e intenta empurrala cun dedo a 2 cm de distancia das bisagras

3.-Agora empurra co mesmo dedo a 2 cm do lado oposto das bisabras (lonxe delas).

REFLEXIONA E CONTESTA

¿Cal é máis fácil?

-Ambolos dous son imposibles e tes o dedo dolorido

-É máis fácil empurrar a porta perto das bisagras

-É máis fácil empurrar a porta nun punto máis lonxano das bisagras

A RESPOSTA ESPERO QUE A CONSIGAS TI, SENÓN SIGUE VISITÁNDONOS E UN DÍA DESTES, APARECERÁ A RESPOSTA E O PORQUE.

O autor desta coleción é NICK ARNOLD, que ten títulos do máis interesante.