Exposición de banda deseñada

No mes de xaneiro a Biblioteca do IES de Arzúa organizou unha pequena exposición sobre banda deseñada. A idea xurdiu coa adquisición dunha serie de novelas gráficas de extraordinaria calidade: Blacksad. Seguiron diversos tomos en galego e en castelán, adquiridos polos diferentes departamentos do centro, e, vista a ampla e completa –para tratarse dun centro de ensino- colección coa que xa contabamos, topámonos cunha mostra moi interesante de libros. Todo o cal, sumado ás cores brillantes e vistosas dos materiais, dou como resultado unha exposición rechamante para os alumnos, e tamén para os profesores.
A actividade completouse coa proxección de dúas películas cortas de Tintín, en sesión de tarde, para os alumnos de 1º e 2º de ESO.