Dereitos Humanos

     O 10 de decembro é o Día da Declaración Universal dos Dereitos Humanos. Desde a biblioteca do IES de Arzúa poñemos o noso gran de area para que cada día a nosa comunidade educativa sexa máis sensible co respecto aos dereitos das persoas nos diferentes ámbitos da vida.

     Aquí amosamos este expositor con literatura e cine ó servizo da loita pola dignidade humana, sexa cal sexa a raza, o idioma ou a cultura.

Por unha nova ollada é un vídeo elaborado polo alumnado de 4º ESO B do curso 2020-21. Nel  reflexionan sobre a necesidade de incluir unha perspectiva crítica e de xénero no ensino, neste caso tomando como exemplo a historia da literatura. Podedes visualizalo clicando no enlace.

Remata o prazo para trocar pesetas

 

Dende a BIBLIOARZÚA temos un aviso🙋. 

O 31  decembro de 2020 remata o  prazo para cambiar pesetas por euros.

Os españois temos aínda sen trocar o equivalente a 1.610 millóns de euros EN PESETAS e este diñeiro pódese converter nun tesouro que pode cambiar a vida de moitas persoas.

Trae  as pesetas que  teñas por casa e que carezan de valor; o recadado será  doado  á Asociación Española contra o Cancro (AECC).

Ollo!!! mira ben o que traes, non vaia ser que teñas un tesouro na casa e non o saibas. Se tes algunha das da foto de abaixo...VALEN MÁIS DO QUE PENSAS.

Se tes dúbidas do seu valor, trae unha foto e axudámosche a saber o seu valor hoxe.

PÁSATE POLA BIBLIO E INFORMÁMOSTE!!!!!!!