Novidades astronómicas

Non está claro como acabou a Lúa ahí, en órbita da  Terra. Existen varias teorías sobre o tema. A teoría máis recente di que é o resultado da colisión entre a proto-Terra e outro xigantesco obxecto cuxos restos se agregaron formando a Lúa. Esta é a teoría máis aceptada. E resulta agora que uns científicos alemáns acaban precisamente de dar cunha  proba que a sostén. Trátase dos resultados de novas análises que realizaron con rochas que trouxeron os astronautas do programa Apollo nas que se distingue a firma química distintiva de algo diferente da Terra, que debeu ser ese gran obxecto coprotagonista do impacto. Ainda  que non  se tiña atopado rastro de el, os científicos mesmo xa o tiñan  bautizado: Theia. Temos máis imaxes impactantes -como a que vedes aquí- nos libros de astronomía que vimos de mercar para a nosa biblioteca.