IV Xornada dos Clubs de Lectura

O pasado venres, día 10 de xuño, celebráronse en Santiago de Compostela as IV Xornadas dos Clubs de Lectura. Poderiamos comentar, con agrado, a boa organización do evento, o acerto na elección dos conferenciantes, a marcha fluida das diversas actividades nas que participamos, e un longo etcétera. Pero o que máis satisfacción e -temos que confesalo-, tamén unha certa sorpresa, nos causou foi o entusiasmo: moitas daquelas persoas presentes amosaban un grandísimo entusiamo polo seu traballo, unha ilusión polas cousas ben feitas, unha vontade desinteresada de participar. Desexamos que se podan celebrar unhas V Xornadas e esperamos poder participar nelas.