5/5/10

Ramón Suárez Picallo

O noso compañeiro Xosé Ramón de Allariz (profe de galego) fíxonos esta semblanza sobre a figura de Ramón Suárez Picallo, que estes días está de paseo por Arzúa nunha exposición cedida polo concello de Sada.

"Naceu en Sada (A Coruña) en 1894. Emigrou a Arxentina de rapaz moi novo e alí mantivo contactos cos intelectuais galeguistas que residían en Buenos Aires. Regresaría despois a Galicia onde exercería de director da revista A Nosa Terra (órgano das Irmandades da Fala).

En 1931 participou na fundación do Partido Galeguista . Accedeu os estudos de bacharelato e universidade cáseque ós 40 anos. Rematou a carreira de dereito en1935.

Foi escollido deputado no ano 1936 polo Partids Galeguista . Participou na campaña a favor do Estatuto de Autonomía de Galicia formando parte da comisión que presentou o Estatuto en Madrid. Trala Guerra Civil residiu en New York, Chile e Arxentina. En Buenos Aires formou parte do Consello de Galiza, xunto a Castelao e Alonso Ríos. Morreu no sanatorio do Centro Galego de Buenos Aires en decembro de 1964.

No ano 2008 as súas cinzas foron repatriadas a Sada."

Tamén comentar que foi un lector incansable. Aquí vos quedan as fotos da exposición:


No hay comentarios: