ABRIMOS AS PORTAS Ó CLUB DE CIENCIA. Reciclamos papel

Un ano máis, a biblioteca segue a participar na concienciación do alumnado na defensa do medio ambiente, esta vez colaborando co Clube de Ciencia no taller de reciclado de papel co alumnado de 1º e 2º ESO. Mirade que cousas fixemos!

MES DA CIENCIA

Este curso, adicamos o mes de novembro á figura de Galileo, aproveitando que este 2024 se conmemora o ano galego da astronomía. Decoramos o ventanal da biblio e fixemos unha exposición de libros do autor

FUSQUENLLA

O ex alumno do IES Miguel A. Mateos achegouse ó Centro para darnos unha charla sobre a revista "Fusquenlla" que se publicou no IES durante moitos anos. Moitas grazas por vir e por animar á rapazada a retomar a publicación de "Fusquenlla" nos vindeiros cursos.

LIBRO DO MES

Este curso tentaremos subir cada mes unha reseña dunha lectura do noso alumnado. Comezamos en novembro con Noa de 1º de BAC que nos recomenda a lectura de "Mentira", de Care Santos.

PREMIO NACIONAL DAS LETRAS 2024

Sirva este expositor coma homenaxe a Manuel Rivas, que ven de recibir o PREMIO NACIONAL DAS LETRAS NACIONAIS 2024.

Moitos parabéns o mil grazas por espallar o idioma galego pola península

DÍA DAS BIBLIOTECAS

O pasado 24 de outubro conmemoramos o día das bibliotecas coa exposición oral de Juanandrés de 1º ESO sobre "La Divina Comedia", de Dante. Como non podía ser de outro xeito, este curso co lema "biblioteca escolar, a escena!", centrámonos na representación teatral da "Divina Comedia". Visualizamos a maravillosa posta en escea da obra por parte do grupo de teatro MINO FORTES de Vilnius (Lituania).

"Abandonad toda esperanza, vosotros que entráis. "

APRENDENDO GIMBAL MÓBIL

Queremos colaborar con POLOS CREATIVOS, e que mellor idea que mandar a Enmanuel e Raner a aprender a usar o estabilizador intelixentel JIMBAL.

Moitas grazas Chus por esta formación express dos nosos SEPERMEGAVOLUNTARIOS

ERASMUS DAYS...UNHA OLLADA DENDE BIBLIOARZÚA

Temos que recoñecer que na biblio nos gusta colaborar espacialmente no proceso de internacionalización do IES. Dende o 14 ó 19 de outubro celebrábanse os ERASMUS DAYS e puxémonos arreo a colaborar co equipo erasmus+. Chapas, petiscos,photocall, familias...todo tivo cabida nestes días.

Botade uha ollada ó vídeo e veredes como tiñamos a biblio.

DÍA DAS ESCRITORAS

Coma todos os anos, o luns 14 de Outubro conmemoramos no IES o día das Escritoras, xunto co EDLG.

Xa temos na biblio a disposición de todos e todas un exemplar de "A vexetariana". Corre a buscalo!!!

OS PROFES TAMÉN ESTUDAN

Asistimos a un curso para entender cal vai a ser "a biblioteca do futuro" e visitamos o CEIP Serra de Outes para ver como remodelaron a biblioteca escolar.

Vimos moi contentas, pois démonos conta de que a nosa biblio vai camiño de converterse nun espazo moderno, dinámico e versátil e lugar arredor do que xira a actividade do Centro. Seguimos traballando.