RETO LECTOR

Arrincamos co reto lector deste trimestre, animádevos a participar! Recordade que haberá agasallos!

A biblio ocupa novos recunchos

co PFPP de bibliotecas aprendemos que era boa idea saír fora da biblio e conquistar outros espazos...e fxémolo. Expositor de lecturas no corredor. UN éxito!!

Prehistoria Moderna: unha viaxe de investigación dende a biblioteca

Como vivían os primeiros seres humanos? Que ferramentas empregaban? Como sabemos todo iso hoxe? A estas preguntas intentou dar resposta o alumnado de 1º de FP Básica a través do proxecto Prehistoria Moderna na materia Comunicación e Sociedade I, unha experiencia de investigación que converteu a biblioteca do centro no punto de partida dunha auténtica viaxe ao pasado. Durante varias sesións, o alumnado mergullouse entre enciclopedias, atlas e libros de historia, aprendendo a buscar información, seleccionar datos relevantes e organizar o coñecemento de maneira clara. A biblioteca transformouse así nun espazo de descubrimento, no que cada libro abría unha nova pista para comprender mellor a vida na Prehistoria. Mais a investigación non quedou aí. Nunha segunda fase, o alumnado ampliou e actualizou os seus contidos empregando fontes dixitais fiables, aprendendo a identificar páxinas seguras...

Tamén reflexionaron sobre os dereitos de autor e as licenzas das imaxes, tomando conciencia da importancia de facer un uso responsable da información. A experiencia incluíu ademais unha actividade lúdica, o breakout “O misterio das fontes”, na que tiveron que resolver retos relacionados coa fiabilidade da información, converténdose por un momento en auténticos detectives do coñecemento. Con iniciativas como esta, a biblioteca consolídase como un espazo vivo de aprendizaxe, curiosidade e investigación, contribuíndo ademais ao ODS 4: Educación de Calidade, ao fomentar unha educación activa, inclusiva e baseada no pensamento crítico.