Día das escritoras - 18 de outubro de 2021

 

Para conmemorar o día das escritoras, tivemos o gran pracer de escoitar, o tempo dun recreo, a nosa compañeira Eva Duarte, profesora de Inglés e especialista en literatura de xénero, que quixo compartir con nos unha das súas pasións: a obra e vida de Mary Shelley, autora con só 18 anos, da novela gótica "Frankenstein ou o moderno Prometeo "(1818), considerada a primera novela de ciencia ficción moderna e que consegue inaugurar o xénero.

Como agradecemento, o alumnado de 2º de FP de Agroxardinaría e composición floral preparoulle, baixo a atenta mirada do seu profesor, Carlos Iglesias , un centro de agasallo.

Agradecemos tamén ao alumnado e profesorado por achegarse ata a biblioteca  a coñecer un pouco máis esta autora​.

FORMACIÓN USUARIOS ALUMNADO FP AGRARIA

 A profesora de FP de Agraria, Silvia  Mira

veunos visitar co seu alumnado para que coñecesen os fondos da biblioteca e o funcionamento do sistema de préstamo. Amosámosvos o ledos que estiveron e o bo ambiente de traballo....e xa aproveitaron para levar algún manual sobre aves, insectos e pesca. 

BENVIDA Ó CURSO 2021-22

 Arrincamos este curso 2021-22 con traballos de reorganización de espazos na biblio, e tivémosvos algo abandoados nas redes sociais.

Paseniño, paseniño, parece que a emerxencia sanitaria vai remitindo. Ainda CON SENTIDIÑO, ides pasar pola biblio a miudo, e convén recordamos cales on as NORMAS DA BIBLIOTECA.  

Na biblio podedes coller un tríptico e levalo sempre con vos.

Peche da biblioteca por vacacións

Onte, luns 21 de xuño, durante o segundo recreo celebramos o final do curso na nosa biblioteca cunha pequena festa para agradecer a colaboración do equipo de voluntariado, dos membros dos clubs de lectura e todos os grandes lectores e usuarios da biblioteca!

Tivemos para eles pequenos agasallos, música e algún petisco saudable . Puxemos a disposición de toda a comunidade educativa libros, revistas de balde  para darlles unha segunda oportunidade ...

Aproveitamos tamén para compartir as recomendacións lectoras para este verán: “Tempo de lecer, tempo de ler”.

Despois deste curso atípico xa hai ganas de troula e relax!

Bo verán a todos e volveremos o vindeiro curso con máis lecturas, actividades para todos vós! 

Feliz descanso estival coa compaña dos vosos mellores libros!

                   

 

 

O sábado 11 de xuño, asistimos a Boiro ao festival Olloboi 10+1 no que duas curtas do centro foron seleccionadas como finalistas na modalidade de 'olloboi comprometido'. As profesoras Maca, Marga e Marisol acompañaron ao alumnado creador das curtas 'Abrir os ollos', de María, Antía, Iván e Iris de 2º BAC do curso 2019-20 e 'Sen coidados non hai vida' de María, Ana, Sandra e Alba de 2º BAC 2020-21. Finalmente non voltamos co premio simbólico do amigurumi pero desfrutamos das reflexións sobre a importancia do cine e a creatividade na escola e do concerto 'Por mi, swing'. Podedes ver as mais de 150 curtas apresentadas na páxina do https://www.olloboi.com/

 

O luns 31 de maio tivemos a última xuntanza do club de lectura co alumnado de 3º ESO. Desta volta aproveitamos para facela ao aire libre. Cada alumno/a escolleu unha novela gráfica diferente: La guerra de Catherine de Julia Billet e Claire Fauvel; El arte de volar de Antonio Altarriba e Kim; Sufragista de Sally Heathcote; Maus de Art Spiegelman e El capital de Marx adaptada.

O alumnado fixo unha sinopse e valoración persoal de cada obra. Aproveitamos para explicar a linguaxe do cómic e os tipos de planos e acabamos a sesión con unhas partidas ao xogo de mesa deseñado este curso, Palabrarte, con preguntas pensadas en relación coas obras lidas por ele/a/s no club este ano e sobre cultura xeral. Atá o curso, lector@s!

Letras Galegas

 

O pasado venres 14 de maio, invitamos a Serafín Marcos que nos ofreceu a representación “De Carvalho Calero a Xela Arias” dirixida aos alumnos de 4º ESO.

Para empezar, achegounos á vida e á traxectoria literaria de Xela Arias, destacando a súa faceta como poeta, tradutora e editora. Fixo referencia, así mesmo, ás vivencias de Xela que se ven reflectidas na obra, ós seus primeiros anos transcorridos entre a súa Sarria natal, Lugo e Vigo, onde se instalaría a partir dos sete anos ...

Cara ao final, fixo un percorrido pola vida e obra de Ricardo Carvalho Calero.

Foi moi divertido ver actuar a Serafín Marcos, agradecémoslle a súa presenza no noso centro!!!

 

Día do libro - 23 de abril

O pasado 23 de abril, celebrouse o día do libro.

Nós fixemolo cun bookface no que participaron alumnos e profesores do IES!

Grazas a todos!!!

Contacontos francófono

O pasado venres, 9 de abril, o Departamento de Francés organizou para o seu alumnado de 3º da ESO, 4º da ESO, 1º de Bach e 2º de Bach tres sesións de narración oral grazas a visita de Samuel Mountoumnjou, de orixe camerunesa. Samuel é profesor, mediador intercultural e sobre todo narrador de contos cargados de valore cos que fai fincapé na diversidade sinalando que "se todos somos diferentes, aparentemente, todos e todas somos iguais". Foi un pracer escoitalo!!!